زمان و انا صغير كنت كل لمّـا اتمني حاجه كانت بتحصل , يعني مثلاً و انا مروح من المدرسه اتمنى ان الغدا يكون مكرونه و فعلاً يطلع مكرونه _ حتقولي ممكن تكون صدفه _ انا برضه كنت فاكر كده في الاول , و جربت اني اتمني حاجه اصعب شويه و هي اني ما اروحش المدرسه تاني يوم _ و دا كان من الحاجات صعبه الحصول ايامها _ لكن مع الاسف روحت المدرسه عادي زي كل يوم , و اقنعت نفسي ساعتها ان الامنيه ما اتحققتش علشان انا كنت بتمني علي سبيل التجربه مش بإقتناع كامل, و كررت نفس الامنيه تاني يوم بس و انا متأكد من انها حتتحقق _ مش عارف ازاي حتتحقق بس متأكد _ , و فعلاً ما روحتش المدرسه تاني يوم لأن كل اللي في البيت راحت عليهم نومه و صحينا متأخر .
ابويا كان شغال بره مصر و كان بينزل اجازه كل سنه , واتمنيت في الاجازه دي انه يجبلي معاه اتاري _ كان وقتها قمه الاعجاز العلمي _ و فضلت من قبل اجازته بشهر و انا كل يوم بتمني نفس الامنيه لحد ما اتأكدت انها حتحصل , و طبعاً ما طلبتش منه الاتاري بالعكس كنت باطلب حاجات تانيه لأن الاتاري خلاص انا متأكد انها جايه , و نزل ابويا الاجازه و جابلي كل الحاجات اللي طلبتها و مكنش فيهم الاتاري لدرجه اني كنت حسأله الاتاري فين مع اني ما طلبتهاش منه , مكنتش عارف المشكله فين انا اتمنيت الحاجه فعلاً و مكنتش بجرب , و بعد يومين و قبل ما ابتدي اشك في قدرتي علي التمني لقيت ابويا بيطلع الاتاري من شنطه السفر و بيقوللي : ( ما تعرفش ايه ده , انا لقيت كل الناس بتجيبه لعيالهم فجبتلك واحد ) .
و من وقتها اتأكدت ان ربنا اختارني من بين الناس كلها و اداني الميزه دي , و ابتديت احط لنفسي قوانين علشان ما اضيعش موضوع الامنيات اللي بتتحقق دا علي الفاضي , يعني مبقتش اتمني اي حاجه بسيطه او تافهه و برضه مكنتش بتمني حاجات صعبه قوي لان احتمال تكون الموهبه عندي محدوده و ساعات كنت ابقى محتاج حاجه و مرداش استخدم معاها موضوع التمني دا و احاول اعتمد علي نفسي _ محدش عارف اذا كنت حفضل كده علي طول ولا لأ و يمكن كمان يكون ليّـا عدد معين من الامنيات و يخلص _ المهم اني كنت باستخدم الموضوع في اضيق الحدود و لمّـا كان يحصل مشكله او حاجه ما تتحققش كنت و بكل بساطه بقول لنفسي اني اكيد ما اتمنيتهاش بالقدر الكافي .
بعد كده لمّـا كبرت شويه و ابتديت اتمرد علي كل افكار الطفوله , قولت لنفسي ايه الهبل اللي انا فيه ده انا ازاي كنت بفكر كده , بس كان لسه في حاجه جوايه مؤمنه اني ربنا ميزني عن الناس بالخاصيه دي , و علشان اقطع الشك باليقين اتمنيت ان يكون عندي اجنحه و اقدر اطير _ ايوه يكون عندي اجنحه علشان اجيب من الاخر بقي _ لو المعجزه اتحققت يبقى مش حشك في نفسي تاني و لو ما اتحققتش يبقى الموضوع انتهي و كل اللي فات كانت خيالات طفوله .
لكن المعجزه حصلت و صحيت في يوم الصبح بصيت في المرايا و لقيت عندي جناحين , كانوا صغيرين و لما اضمهم ما بيبانوش تحت الهدوم , ما كنتش مصدق _ و ندمت علي حاجات كتير ما اتمنتهاش لأني كنت شاكك او خايف ما تتحققش _ و طلعت البلكونه و جربت اطير و طيرت فعلاً , كنت با اتحكم في الجناحات بكل سهوله كأني مولود بيها , و فضلت اطلع لفوق فوق البيوت لحد السحاب كنت سعيد و كان نفسي اعرف السما دي اخرها فين , في المدرسه كانوا قايلين لنا ان سيدنا آدم موجود في السماء الاولي , دورت عليه و ملقتهوش , قولت لنفسي يبقى انا اكيد لسه ما وصلتش للسماء الاولي حتي و لازم اطلع لفوق اكتر بس الدنيا كانت برد قوي و عرفت اني مش حقدر اطلع لفوق اكتر من كده و رجعت تاني للبيت علشان افكر و اشوف حطير و اروح فين تاني يوم , مكنش عندي خطه معينه بس كنت طاير و فرحان و خلاص , كنت كل شويه اطلع لفوق علشان احدد مكان بيتنا و اكمل طيران في اي اتجاه و اتفرج علي الشوارع و البيوت من فوق , بعد فتره حسيت ان جنحاتي الصغيره تعبت و اني مش حقدر ابعد اكتر من كده و اني لازم ارجع , طلعت لفوق اكتر علشان احدد مكان البيت لكن معرفتش شكلي كده تهت , فضلت اللف كتير في السما و ادور علي البيت و جنحاتي كانت تعبت فعلاً و اليل دخل و الدنيا ضلمت و فضلت بايت اليوم ده فوق سطوح مهجور في عماره عاليا و كان شئ مرعب بالنسبالي , و في قمه احساسي بالخوف اتمنيت ان الجناحات دي تروح و طلبت من ربنا ان مش كل ما اتمنى حاجه تتحقق .. و ده اللي حصل فعلاً .
ابويا كان شغال بره مصر و كان بينزل اجازه كل سنه , واتمنيت في الاجازه دي انه يجبلي معاه اتاري _ كان وقتها قمه الاعجاز العلمي _ و فضلت من قبل اجازته بشهر و انا كل يوم بتمني نفس الامنيه لحد ما اتأكدت انها حتحصل , و طبعاً ما طلبتش منه الاتاري بالعكس كنت باطلب حاجات تانيه لأن الاتاري خلاص انا متأكد انها جايه , و نزل ابويا الاجازه و جابلي كل الحاجات اللي طلبتها و مكنش فيهم الاتاري لدرجه اني كنت حسأله الاتاري فين مع اني ما طلبتهاش منه , مكنتش عارف المشكله فين انا اتمنيت الحاجه فعلاً و مكنتش بجرب , و بعد يومين و قبل ما ابتدي اشك في قدرتي علي التمني لقيت ابويا بيطلع الاتاري من شنطه السفر و بيقوللي : ( ما تعرفش ايه ده , انا لقيت كل الناس بتجيبه لعيالهم فجبتلك واحد ) .
و من وقتها اتأكدت ان ربنا اختارني من بين الناس كلها و اداني الميزه دي , و ابتديت احط لنفسي قوانين علشان ما اضيعش موضوع الامنيات اللي بتتحقق دا علي الفاضي , يعني مبقتش اتمني اي حاجه بسيطه او تافهه و برضه مكنتش بتمني حاجات صعبه قوي لان احتمال تكون الموهبه عندي محدوده و ساعات كنت ابقى محتاج حاجه و مرداش استخدم معاها موضوع التمني دا و احاول اعتمد علي نفسي _ محدش عارف اذا كنت حفضل كده علي طول ولا لأ و يمكن كمان يكون ليّـا عدد معين من الامنيات و يخلص _ المهم اني كنت باستخدم الموضوع في اضيق الحدود و لمّـا كان يحصل مشكله او حاجه ما تتحققش كنت و بكل بساطه بقول لنفسي اني اكيد ما اتمنيتهاش بالقدر الكافي .
بعد كده لمّـا كبرت شويه و ابتديت اتمرد علي كل افكار الطفوله , قولت لنفسي ايه الهبل اللي انا فيه ده انا ازاي كنت بفكر كده , بس كان لسه في حاجه جوايه مؤمنه اني ربنا ميزني عن الناس بالخاصيه دي , و علشان اقطع الشك باليقين اتمنيت ان يكون عندي اجنحه و اقدر اطير _ ايوه يكون عندي اجنحه علشان اجيب من الاخر بقي _ لو المعجزه اتحققت يبقى مش حشك في نفسي تاني و لو ما اتحققتش يبقى الموضوع انتهي و كل اللي فات كانت خيالات طفوله .
لكن المعجزه حصلت و صحيت في يوم الصبح بصيت في المرايا و لقيت عندي جناحين , كانوا صغيرين و لما اضمهم ما بيبانوش تحت الهدوم , ما كنتش مصدق _ و ندمت علي حاجات كتير ما اتمنتهاش لأني كنت شاكك او خايف ما تتحققش _ و طلعت البلكونه و جربت اطير و طيرت فعلاً , كنت با اتحكم في الجناحات بكل سهوله كأني مولود بيها , و فضلت اطلع لفوق فوق البيوت لحد السحاب كنت سعيد و كان نفسي اعرف السما دي اخرها فين , في المدرسه كانوا قايلين لنا ان سيدنا آدم موجود في السماء الاولي , دورت عليه و ملقتهوش , قولت لنفسي يبقى انا اكيد لسه ما وصلتش للسماء الاولي حتي و لازم اطلع لفوق اكتر بس الدنيا كانت برد قوي و عرفت اني مش حقدر اطلع لفوق اكتر من كده و رجعت تاني للبيت علشان افكر و اشوف حطير و اروح فين تاني يوم , مكنش عندي خطه معينه بس كنت طاير و فرحان و خلاص , كنت كل شويه اطلع لفوق علشان احدد مكان بيتنا و اكمل طيران في اي اتجاه و اتفرج علي الشوارع و البيوت من فوق , بعد فتره حسيت ان جنحاتي الصغيره تعبت و اني مش حقدر ابعد اكتر من كده و اني لازم ارجع , طلعت لفوق اكتر علشان احدد مكان البيت لكن معرفتش شكلي كده تهت , فضلت اللف كتير في السما و ادور علي البيت و جنحاتي كانت تعبت فعلاً و اليل دخل و الدنيا ضلمت و فضلت بايت اليوم ده فوق سطوح مهجور في عماره عاليا و كان شئ مرعب بالنسبالي , و في قمه احساسي بالخوف اتمنيت ان الجناحات دي تروح و طلبت من ربنا ان مش كل ما اتمنى حاجه تتحقق .. و ده اللي حصل فعلاً .
