الموضوع بجد مهم , علشان كدة عملت لكل الناس تاج
وعلشان اي حد ممكن يساعدني
الموضوع ابتدي من حوالي خمس سنين واحد صاحبي قابلني وقاللي انا زعلان منك قوي علشان امبارح قبلتك في الشارع وجيت اسلم عليك مسلمتش عليا واعدت تضحك وسبتني ومشيت , بصراحة معرفتش ارد علية انا مش فاكر اي حاجة من اللي بيقولة المهم عدينا الموضوع علي اساس ان حد فينا مسطول , وبعد كام سنة حد كمان قاللي نفس الكلام ومخدتش في بالي , بس دلوقتي كل يوم والتاني حد يقوللي امبارح شفتك بتضحك في الشارع بشكل هيستيري ومعرفتش اسلم عليك وحد يقوللي انه شافني نايم عالرصيف وحاجات غريبة كدة الصراحة انا مكنتش مصدقهم بس كانوا بيوصفولي اللبس اللي كنت لبسة وفعلا الهدوم دي كلها عندي بصراحة انا خايف اصدق انه انا , وامبارح حصل موقف غريب لقيت وانا في الشارع واحد بيقوللي اخيرا فوقت قلتلة فقت من اية قاللي انت مش حاسس بنفسك ولا اية انت كنت نايم فوق عربيتي وحاولت اصحيك مبتصحاش ودورت في جيوبك ملقيتش حاجة تعرّفني انت مين لقيت معاك تليفون مش مسجل علية ولا رقم وكمان ملقيتش معاك بطاقة , المهم ياريت لوحد لقاني مش طبيعي يفضل معايا لحد لما افوق بدل ما اعمل اي مصيبة ولو حد لقي بطاقتي ياريت يدهالي.
