أغبي احساس ممكن الواحد يحسه , في احاسيس تانيه مؤلمه ومزعجه بس مش زي الخوف لأن اي احساس تاني بيكون ليه مصدر خارجي يعني لو حاسس بالظلم يبقي اكيد في حد ظلمك ودة بيهون عليك لأن الانسان بيحب يلاقي حد او سبب في الاحساس اللي هوا فيه انما الخوف ممكن يكون ليه سبب خارجي وممك تكون انت اللي زرعة جوا نفسك من غير سبب وكمان تعد تكبّر فيه من غير سبب لحد ما احساسك بالخوف يتحكم فيك وهوا اللي يحركك يعني تذاكر علشان خايف تصقت وتقعد في البيت علشان خايف من الناس وتحوش فلوس علشان خايف من المستقبل وتعبد ربنا علشان خايف من النار , بس المشكلة مش في كدة المشكله ان انت مبتبقاش عارف ان دة الخوف ساعات مبيجيش مباشر بييجي مستخبي في حاجات منطقيه يعني ممكن اي حاجه جديدة في حياتك ( جواز , شغل جديد ) تطلع فيها عيوب كتير ومنطقيه ودة بسبب خوفك من الخطوه اللي جاية مع انك لوشلت الخوف من جواك حتقدر تحكم بمنطقية اكبر وحتكون الصوره اوضح .
