استعجبت من صديقي الذي وجدتة حزينا لأننا منذ تخرجنا من الجامعة لم نحقق اي شئ مما حلمنا بة او تمنيناة او حتي توقعناة لم استعجب من حزنة بل استعجبت من تذكره لتاريخ تخرجنا بالشهر واليوم ووجدت معظم اصدقائنا يتذكرون اليوم , وعندما قابلت صديقا لم اقابلة منذ فترة طويلة وجدتة يذكر لي تاريخ اخر يوم التقيتا فية , واخر يتذكر يوم دخولة الجيش او يوم سافر للعمل او يوم وفاة والدته او زواج اخته او اول يوم رأي فية الفتاه التي يحبها , انا لا انكر اهمية كل هذة الايام لكنني وجدت نفسي لا اعرف سوى تاريخ ميلادي ليس لسهولته (6\6\86) او لأنني أسئل عنة كثيرا أو لأنة في كل اوراقي الرسمية بل لأنة يوم مهم فعلا (يعني لو ملقوش مكان يكتبوا فية التاريخ وقالوا نشيل اي يوم قديم بالاحداث اللي فية واختاروا اليوم دة ساعتها مش حيبقي ليا وجود ) انما اي يوم تاني فهوا مجرد 24 ساعة واحنا اللي بنمجد الايام ونديها اهمية (يعني لو حد قال قدامي 6 اكتوبر الف مرة اكيد مش حشعر بنشوة الانتصار ولا حكون سعيد مش علشان مكنتش موجود ساعتها بس عشان المشاعر مبتتخزنش انما ممكن تتجدد يعني محتاج انتصار كل فترة علشان افضل حاسس ب 6 اكتوبر ) , ومفيش يوم مهم زي يوم ميلادك لازم تفتكرة غير يوم تاني بس انت مش حتفتكرة ممكن احبائك يفتكروه وممكن ينسوة وبعد اليوم ده حتكون ايامك كلها كأنها يوم واحد او حتي بعض ساعات , بس فية تواريخ تاني مهمة في حياتك زي اخر يوم اتعلمت ية حاجة مفيدة بجد واستفدت منها وكمان اخر يوم ضحكت فية من قلبك ضحكة بجد والتاريخين دول لازم تجددهم وتخليهم كل يوم علشان متضرش انك تفتكرهم .
