خير يا أبني كنت عايزني في ايه ؟
انا اصلي يا سيدنا الشيخ بحلم حلم غريب بقالي 3 أيام
احكيلي يا ابني بتحلم بأيه
بحلم ان احنا يوم القيامه والناس كلها اتحسبت وناس دخلت الجنه وناس دخلت النار و فضلت لوحدي انا الوحيد اللي متحاسبتش ومكنتش عارف افضل ساكت واحمد ربنا اني مدخلتش النار ولا اتكلم واقول انا عايز اتحاسب انا المفروض اخش الجنه وانا بفكر لقيت الناس اللي في الجنه والناس اللي في النار بيبصوا عليا وبيقولوا اشمعني دا متحاسبش _طب اللي في النار وقلنا ماشي اللي في الجنه عايزين مني ايه _ راح راضد عليهم ملك من المليكه قلهم ملكوش دعوه بيه انتوا متعرفوش دا مين سمعت ساعتها اصوات جايه من الجنه واحد بيقول يعني حيكون مين وواحد في النار بيقول انا عارفه دا كان واد مجنون والناس كلها عماله تكلم بعضها عليا وابتدت تطلع اشاعات اققلها ان في ناس قالت عليا اني ولي من اولياء الله الصالحين
خلاص يابني كفايه كده خد الورقه دي حطها تحت مخدتك ومش حتحلم بالحلم دا تاني
الورقه كان مكتوب فيها من ناحيه (حبس حابس وحجر يابس وشهاب قابس وليل دامس وماء قارس في عين العاين وفي أحب خلق الله اليه وفي كبده وكليته)ومن الناحيه التانيه كان في اربع مربعات كل مربع مكتوب فيه (الله) خدت منه الورقه وحطيتها تحت المخده.
(احتمال يكون للحديث بقيه)
ليست هناك تعليقات:
إرسال تعليق