علي قهوة ((سعيد))

كنت قاعد علي قهوة ((سعيد)) في السوق لقيت اتنين جم اعدوا جمبي وبيتكلوا معايا انا معرفهمش معرفه شخصيه بس عارف شكلهم واساميهم بحكم انهم من المنطقه الاولاني قلي انت وشك سمح وانا ارتحتلك وانت اللي حتحكم مبينا قلتلوا انا تحت امركوا _مع اني كنت مستغرب يعني ملقوش غيري اللي يحكم مبينهم ما القهوه مليانه ناس اكبر مني وحيفيدوهم عني _ راح التاني قيلي بس تحكم مبينا بحق ربنا وراح حكيلي انه عنده ارض في منطقه زراعيه ممنوع فيها البني بس هوا قدم طلب للوزاره علشان يبني والرد ممكن يجيله بعد كام سنه وصاحبه شغال في الوزاره وقاله حجبلك الموافقه بس ياخد منه رشوه 5000جنيه المهم بعد ما جبله الموافقه قله عايز 8000 جنيه علشان هوا دفع رشاوي لموظفين تانيين علشان يخلصلهم الموضوع 3000 جنيه هل هوا ليه دعوه بال 3000جنيه دول ولا هوا يدفع الخمسه بس , بصراحه انا لو كنت قلتلهم رأيي بحق ربنا زي ما هم عايزين كانوا حيزعلوا مني وعلي سبيل التريقه قلتلهم متسئلوا شيخ قالولي سألتا اتنين الاول قالنا (لا ضرر ولا ضرار) ومدفعش غير ال5000 جنيه والشيخ التاني قلنا (ولا تزروا وازره وزر اخري ) ولازم ادفع ال 8000 جنيه كاملين قلتلهم خلاص نروح لشيخ محمود _ والشيخ محمود ده شيخ بجد وكل الناس عارفه انه راجل محترم _ راح قايمين وسايبني وقلولي الشيخ محمود دا راجل مجنون بيقول (الراشي والمرتشي في النار ) وانت كمان شكلك مجنون واحنا غلطانين ان احنا ضيعنا وقتنا معاك احنا نروح نسأل حد عاقل احسنلنا .